كلمة حق وحامد زيد

كلمة حق
الحكم حمله حمل وأهوالـه أهـوال
والذود عن مصالح الشعـب كايـد
ياليت كـل شعوبنـا قـد ألامـال
وياليت حكام العـرب مثـل زايـد
الله خلق صرح البطولـه للابطـال
وماللرياده عرش من غيـر رايـد
عديت كلمة حـق والحـق ينقـال
لاعـودت يـم الفعـول الفـرايـد
خلوا سواليف الحزاوي والاطـلال
وأخذوا من الواقـع علـوم وكايـد
الفعل والله فعـل زايـد ليـا قـال
ماهـوب فعـل متبعيـن الجرايـد
أكرم من اللي يطعن البخل بريـال
والهب من احساس الحطب بالوقايد
وأصدق من الدمعه على خد الاطفال
وأثبت من اسوار الحصون السدايـد
فعله لحال وفعل خلـق الله لحـال
قايد ويحسب عـن ثمانيـن قايـد
الكامل الله بس هـو كامـل أفعـال
سموه زايـد لانـه انسـان زايـد
رحمه من الله جت على شكل رجال
عضيد لكن عـن جميـع العضايـد
لوما القصايد تكتبه فخـر واجـلال
اجل من اللي تنكتـب لـه قصايـد
يابعد عمر الشعب والجـاه والمـال
ياذخـر ربعـك بالليـال الشدايـد
يارهبةٍ هـزت سراجيـف الانـذال
ياشوق تلعـات الرقـاب الرغايـد
بنيت جيل وصرت نبراس لجيـال
عدلٍ على سبـع الامـارات سايـد
رغم الكلـل علمتنـا نيـل الأمـال
ووحدتنا رغـم اختـلاف العقايـد
لك صرح حافـل بالمحبـه ولازال
وان بادت صروح الغلا منت بايـد
لو بالأبوه ... كلبونـا لـك عيـال
ولو بالمروه ... كلنـا لـك سنايـد
ياشيخ درعك درع ورجالك رجـال
شعبٍ زرع لرضى زعيمه شهايـد
تعلموا من نخوته ضـرب الامثـال
وصارت لهـم تصرفاتـه عوايـد
ان قلت زايد .. زايد سلوم وخصال
وان قلت قايد .. عن ثمانين قايـد
ماقول طيبه لي حظر يعمل اعمـال
ومحبتـه تجمـع قلـوب وبـدايـد
اقول لو الطيـب مخلـوق رجـال
يحب الارض اللي تحت رجل زايد