| | سكون الليل مشرف
الابراج : الأبراج الصينية : عدد المساهمات : 1141 نقاط : 2682 السٌّمعَة : 4 تاريخ التسجيل : 13/07/2009 العمر : 37 الموقع : المركز العربي الثقافي العمل/الترفيه : سياحة وطيران المزاج : هادي
| موضوع: حامد زيد واجمل قصيدة في تاريخ الشعراء ((الام)) 2009-07-14, 04:28 | |
| الأم قصيدتـي زاد بعيونـي جمالهـا وأخذت أنقـي بالمعانـي جزالهـا وأكتب معانيها من الشوق والغـلا لإمي وانا أصغر شاعر من عيالها كتبتها في غربتـي يـوم رحلتـي لما طرى لي بالسفر ماطرى لـي امي وانا بوصف لهـا زود حبهـا وان ماحكيت لها قصيدي حكى لها امي لها بالجوف والقلـب منزلـه مكانـة ماكـل محبـوب نالـهـا أقرب من ظلالي وانا وسط غربتي وانا تراي اقرب لها مـن ظلالهـا ماشافت عيوني من الناس غيرهـا ولا خلـق رب الخلايـق مثالهـا أغلى بشر في جملة النـاس كلهـم وأكرم من يدين المزون وهمالهـا أتبع رضاها وأرتجي زود قربهـا واللي طلبته من حياتـي وصالهـا الصدق مرساها والاشواق بحرهـا والعطف واحساس الغلا راس مالها أهيم فيهـا وابتسـم يـوم قلبهـا يسأل وانا قلبي يجـاوب سؤالهـا وان طلبتني شيء فزيـت مندفـع اموت انا واحمـل تعبهـا بدالهـا اصبر على الدنيا والاحزان والتعب واحمل على متني فطاحل جبالهـا واسهر واعذب راحة القلب بالشقا واعيش اعاني بس يرتـاح بالهـا تربية ابوي اللي على الطيب بذكره اللـي وهبنـي للحيـاة ومجالهـا نور لي دروبي وانا طفل مبتـدي حتى تركني واحـد مـن رجالهـا الوالدين اولى بالاحسـان لاجلهـم واولى بتكريم النفـوس وعدالهـا اقولهـا وانـا علـى الله متـكـل والله عليـم بقدرتـي واحتمالهـا ياكلمة اغلى مـن النـاس كلهـم ياشمـس بقلبـي بعيـد زوالـهـا يافرحـة تملـي الكـون باكملـه ياشجـرة تكبـر ويكبـر ظلالهـا تضحك لي الدنيا ليا شفت زولهـا مثل السماء تزهي بطلـة هلالهـا والبعد عنها ياهل العرف ماقـدره لاشـك نـاري زايـده باشتعالهـا مااعيش ببلاد ولاهـي بارضهـا ولا بي عيوني كان ماهي قبالهـا أرض تـدوس بالاقـدام رملـهـا أموت فيها واندفـن فـي رملهـا |
|
| | عاشق الاحزان مشرف سابق
الابراج : الأبراج الصينية : عدد المساهمات : 2799 نقاط : 3394 السٌّمعَة : 7 تاريخ التسجيل : 16/09/2009 العمر : 33 الموقع : اينما وجد القلب الحنون والحب الصادق
| موضوع: رد: حامد زيد واجمل قصيدة في تاريخ الشعراء ((الام)) 2009-10-02, 14:25 | |
| |
|