هيك النكد ولا بلاش

موضوع: هيك النكد ولا بلاش 2010-04-03, 01:45

هيك النكد والا بلاش
*************

هو :
بدي اطلب بيتزا .. بدك اشي؟'

هي:
'لا.'

هو :
'اوكي.'

هي :
'و لا اقولك ..؟'

هو:
'ها .. بدك اطلب لك كمان؟'

هي:
'مش عارفة.'

هو :
'مش عارفة اذا بدك اشي؟'

هي :
'لا.'
هو :
'انتي جوعانة؟'

هي:
'يعني ...'

هو :
'شو يعني يعني...؟'

هي:
'يعني معناها مش متأكدة اذا كنت جوعانة او لا..'

هو:
'الواحد لما يكون جوعان بيعرف'

هي :
'مهو يمكن اجوع بعدين'

هو:
'معناها اطلب لك بيتزا.'

هي :
'طيب و اذا ما كنت جوعانه وقتها..؟'

هو:
'ما تاكلي.'

هي:
'بس هيك بيكون تبذير'

هو:
'طيب .. بتاكليها بكرة.'

هي:
'و اذا ما كان الي نفس آكل بيتزا بكرة؟'

هو:
'هاي ما بدها نفس .. الواحد بيقدر ياكل البيتزا كل يوم '

هي:
'انا لا .. ما باكل بيتزا الا لما يكون عندي نفس للبيتزا.'

هو:
'معناها بطلب ل ك اشي تاني'

هي:
'بس انا ما بدي اشي تاني'

هو:
'يعني بدك بيتزا؟.'

هي:
'لا.'

هو:
'يعني ما بدك اشي؟.'

هي:
'امبلى.'

هو :
'جننتي سماي شو بدك؟'[ندعوك للتسجيل في المنتدى أو التعريف بنفسك لمعاينة هذه الصورة]

هي:
'اطلب انت لحالك...'

هو:
'اخيرا .. ماشي..'

هي:
'بس اطلب بيتزا بالتونا'

هو:
'بس انا ما بحب التونا..'

هي :
'بس انا بحبها.'

هو :
'هو انا بدي اطلب الي و لا الك...؟!'

هي:
'الك طبعا.'

هو :
'طيب و ليش بالتونا. ..؟'

هي:
'يمكن اجوع لما يوصل الاكل'

هو:
'و شو يعني؟'

هي :
'بالله؟ شو يعني فكرك آكل اشي ما بيعجبني؟'

هو:
'ليش هو انتي بدك تاكلي؟'

هي:
'ليش لا ؟'

هو :
' يا مثبت العقل و الدين .. ه انا لازم اطلب بيتزا الي , عشان انتي تاكليها اذا كنتي جوعانه؟؟'

هي:
'بالضبط.'

هو:
'و انا شو بدي آكل؟'

هي:
'مهو يمكن ما أكون جوعانة...'

ملاحظة: محكمة الجنايات قررت الافراج عن الزوج المتهم بتهمة 'قتل الزوجة مع سبق الاصرار و الترصد' و تحويل القضية الى 'قتل الزوجة دفاعا عن النفس
[ندعوك للتسجيل في المنتدى أو التعريف بنفسك لمعاينة هذه الصورة]

</BLOCKQUOTE>

موضوع: رد: هيك النكد ولا بلاش 2010-04-03, 03:50

الله يبعد عنا النكد

مش حمل نكد

يسلموا تاج

تحياتي

موضوع: رد: هيك النكد ولا بلاش 2010-04-03, 07:33

[ندعوك للتسجيل في المنتدى أو التعريف بنفسك لمعاينة هذه الصورة]